1. NAAM
Die naam van die klub sal wees “KIDS CLUB INTERNATIONAL”
en daar sal kortliks na verwys
word as “die Klub”.
2. DOELWITTE
Die Klub is gestig om ‘n administratiewe en ondersteuningstelsel
te voorsien, op welke manier
dit ook al nodig blyk te wees en met die steun van diens- en produkverskaffers
of komiteelede,
ten einde lede in staat te stel om toegang te verkry tot en Klubvoordele
en -dienste te geniet soos
in die aansoekvorm om lidmaatskap uiteengesit sodra 10 000 of meer lede
hulle by die Klub
aangesluit het. Die Klub en sy komitee sal ook sy lede op welke wyse
ook al
verteenwoordig en namens hulle onderhandel om beter voordele vir lede
te beding. ‘n Maandelikse
lidmaatskapsfooi is deur elke klublid betaalbaar. Die Klub sal ook bedryf
word as ‘n vereniging
sonder winsbejag.
3. MAGTE
3.1 Om ingesamelde fondse aan te wend vir die bevordering
van die Klub se doelwitte.
3.2 Vir die betaling of borgskap van enige diens wat noodsaaklik geag
word vir die bereiking van
die gestelde doelwitte.
3.3 Om in die algemeen alles te doen wat nodig is om uitvoering aan
die doelwitte te gee.
3.4 Om ‘n tjek- of spaarrekening by ‘n bank te open, te
sluit of te bedryf.
3.5 Om fondse in te samel of ruilooreenkomste te beding ter bevordering
van die Klub se
oogmerke.
3.6 Die Klub is nie by magte om krediet te verkry, geld te leen of ‘n
verbintenis tot enige
finansiële las aan te gaan nie.
3.7 Om in sy eie naam te eis of hom teen eise te verweer.
4. KOMITEE
4.1 Die sake van die klub sal hanteer word deur ‘n
komitee van nasionale (4 verteenwoordigers) en
gebiedslede (2 verteenwoordigers), wat bestaan uit ‘n voorsitter,
ondervoorsitter, sekretaris,
eretesourier en twee ander lede, wat almal op ‘n algemene jaarvergadering
aangewys sal word
wat een keer per jaar plaasvind.
4.2 Alle lede van die komitee sal jaarliks uittree, maar mag hulle vir
herverkiesing beskikbaar stel.
4.3 Die komitee sal so dikwels as wat nodig is byeenkom om sake af te
handel.
4.4 Die komitee sal die volgende magte hê:
4.4.1 Om voltydse en/of deeltydse opsieners/personeel/lede aan te stel
wat sal toesien dat
alle administrasie, dienste en/of bemarkingstake uitgevoer word om die
gesonde bedryf
van die Klub te verseker asook die verskaffing van voordele aan lede;
4.4.2 Om permanente of semipermanente lede lede op die komitee te koöpteer
vir enige
spesiale projekte of take wat nodig mag wees.
4.5 Vertroulikheid sal te alle tye gehandhaaf word m.b.t. die komitee
se handeling met
lede.
5. FINANSIES
Die Klub se finansiële jaar sal op die eerste dag
van Julie elke jaar begin en eindig op die laaste
dag van Junie in die daaropvolgende jaar. Die komitee sal die maandelikse
ledegeld namens
diens- en produkverskaffers invorder.
6. ERE-OUDITEUR
Die ouditeur sal ‘n staat van inkomste en uitgawes
asook ‘n balansstaat aan die einde van elke
finansiële jaar voorberei en dit sertifiseer vir voorlegging aan
die algemene jaarvergadering.
7. LIDMAATSKAP
Gewone lidmaatskap is beskikbaar vir alle kinders in
Suid-Afrika tussen 6 en 13 jaar, terwyl
Gebiedslidmaatskap beskikbaar is vir volwassenes. Die komitee sal van
tyd tot tyd die raadsaamheid
daarvan bepaal om ander mense by lidmaatskap te betrek.
8. KWORUM
10% van die nasionale en gebiedslede sal ‘n kworum
vir enige algemene vergadering vorm, en
vir die komitee sal 3 van sy lede ‘n kworum uitmaak.
|
